ஆறாம் நூற்றாண்டின் தொடக்க காலம். மத நம்பிக்கைகள் மக்களைப் பிரித்திருந்த காலம். பௌத்தமும் சமணமும் ஒருபுறம் செல்வாக்கு பெற்றிருக்க, மற்றொரு புறம் வைதீக சமயங்கள் அவை இரண்டையும் வீழ்த்த சமயம் பார்த்திருந்தன. பல்லவ மன்னரோ வைதீக சமயக் காவலர். அவருடைய மூன்றாவது மகனோ ஒரு பௌத்தத் துறவி. இந்தப் போராட்டத்தில் வேளாண் பெருமக்கள் ஒரு புறமும் மற்றொரு புறம் வணிகர்களும் இருந்தனர். பல்லவ நாட்டைச் சுற்றிலும் களப்பிரர்கள். கடல் மல்லையில் வேற்று நாட்டவர்களின் சூழ்ச்சிகள். இவ்வளவு பேருக்கும் இலக்காக போதிதர்மா. விவரிக்க இயலாத சம்பவங்கள், குறுக்கீடுகள், திருப்பங்கள், அதிர வைக்கும் சரித்திர உண்மைகள், படித்துப் பாருங்கள். உங்களைப் புரட்டிப் போட்டு விடும்படியான நாவல்.